Adnabod Awdur
Pryderi
Gwyn Jones
_jfif.jpg)
Geni:
1972
Yn wreiddiol o:
Aberystwyth
Byw yn:
Glantwymyn
Ffaith
ddiddorol:
Cefais fy achub gan hofrenydd byddin Chile tra’n cerdded mynyddoedd yn yr Andes.
​
Ffeithiau Fflach
Llyfrau
(plant a phobl ifanc)
Brenin y Trenyrs (2020)
​
Kaiser y Trenyrs (i'w gyhoeddi)
Cwestiwn ac Ateb
Yr awdur Pryderi Gwyn Jones
yn ateb cwestiynau Sôn am Lyfra!
_jfif.jpg)
Beth yw eich cefndir a/neu beth ydych yn ei wneud ar hyn o bryd?
​
Athro Ysgol Uwchradd.
Beth wnaeth eich ysbrydoli i ddechrau ysgrifennu llyfrau?
​
Mwynhau y direidi yn llyfrau Eurig Wyn, United a Powdr Rhech. Hefyd, yr angen am lyfrau hwyliog a gwreiddiol yn Gymraeg.
Pa lyfrau wnaeth ddylanwadu arnoch fel darllenwr ifanc? Pam?
​
Cofiaf fy mam yn prynu llyfr o’r enw, Ffrindiau Tomi i mi mewn ‘steddfod flynyddoedd maith yn ôl. Roeddwn wrth fy modd gyda’r stori a’r lluniau. Wedyn, cefais flas ar lyfrau Twm Miall, Cyw Haul a Cyw Dôl a llyfrau Dafydd Huws am y Dyn Dwad.
Beth yw dy lyfr diweddaraf i blant a beth ydych chi’n gobeithio i ddarllenwyr ei gael o ddarllen y stori?
​
Brenin y Trenyrs.
Mwynhad o ddarllen stori syml a thrafod pethau’r byd yn naturiol yn Gymraeg.
Pa neges sydd gen ti i ysbrydoli darllenwyr/ysgrifenwyr ifanc?
​
Peidiwch ag aros am ryw ysbrydoliaetth fawr, ac i’r lleuad a’r ser fod yn y lle iawn. Eisteddwch i lawr, a thriwch greu RHYWBETH! Wedyn, mi fydd gennych chi rywbeth i’w ddatblygu a’i ymestyn a’i wella.
Oes yna gymeriad rydach chi’n ei garu neu’n ei gasáu?
​
Dwi’n hoff iawn o’r prif gymeriad, ond dydw i ddim yn hoff iawn o Lloyd, cariad Lisa, ei chwaer.
Oes llyfr newydd ar y gorwel?
​
Os byw ac iach, bydd Kaiser y Trenyrs yn cael ei gyhoeddi fis Hydref.
Beth yw dy hoff bar o dreinyrs yn y byd?
​
Mae’n rhaid i mi sôn am y pâr o drenyrs adidas cyntaf a gefais yn siop Meirion Appleton yn Aberystwyth erstalwm. Adidas Samba du a gwyn oedden nhw, ac roeddwn yn teimlo’n rel boi ac yn meddwl fy mod i’n gallu rhedeg yn gyflymach a neidio’n uwch ynddyn nhw. Y trenyrs diweddara i mi eu cael ydy Adidas Original Supercourt gwynion. Roedden nhw’n fargen am hanner pris!
Os fasa gen ti dreinyrs hud – be fasa ti’n hoffi nhw allu wneud?
​
Cerdded fyny walia’ a neidio o un adeilad i’r llall.
Unrhyw sylw arall?
​
Diolch am gael ateb yr Holiadur Awduron.
Trenyrs i bawb o bobl y byd ddweda i!
Adi Dassler, sylfaenydd adidas ydy'r ddelw. Tu allan i brif swyddfa adidas yn Herzogenarach wrth Nuremberg yn yr Almaen!